လူငယ့်အားမာန်စာကြည့်တိုက် ကော်မတီဝင် များ နှင့် သာဝတ္ထိရွာ မှ ဆရာ ဆရာမ များ ၊ တက်ကြွသော ညီငယ် ညီမငယ်တို့ ပူးပေါင်းပြီး Survey(အချက်အလက်) ကောက်ခံခြင်း

လေးစားအပ်ပါသော သာဝတ္ထိရွာသူ ရွာသားအပေါင်း ခင်ဗျာ။

လာမည့် သီတင်းပတ် တစ်ပတ် နှစ်ပတ် အတွင်း လူငယ့်အားမာန်စာကြည့်တိုက် ကော်မတီဝင် များ နှင့် သာဝတ္ထိရွာ မှ ဆရာ ဆရာမ များ ၊ တက်ကြွသော ညီငယ် ညီမငယ်တို့ ပူးပေါင်းပြီး

Survey(အချက်အလက်) ကောက်ခံမည် ဖြစ်ပါသည်။ ထိုသို့ ကောက်ခံရာတွင် အတတ်နိုင်ဆုံး ပူးပေါင်းပါဝင်ပေးဖို့ မေတ္တာရပ်ခံအပ်ပါသည်။

နံပါတ်(၁) ဘာလို့ ကောက်ခံရတာလဲ ?

အဖြေ-

ကျွန်တော်တို့ ရွာ အခု ချိန်တွင် ဆယ်တန်းအောင် ဘယ်နှစ်ယောက် ၊ တက္ကသိုလ်ဘွဲ့ရ ဘယ်နှစ်ယောက် ၊ အသက်မွေးဝမ်းပညာြဖင့် ဘယ်အလုပ်အကိုင်မှာ ဘယ်နှယောက် အစသဖြင့် အချက်အလက်များ တိတိကျကျ

မရှိခြင်းကြောင့် ကောက်ခံရခြင်း ဖြစ်ပါသည်။

ဆယ်တန်းအောင် ခန့်မှန်း (၄၆၀) ဦးရေ လို့ အကြမ်းဖျဉ်းယူဆ ။

နံပါတ်(၂) ဘယ်အတွက် အသုံးဝင်မှာလဲ ?

အဖြေ - Survey ကောက်ခြင်းမှ ရရှိလာသော Data အချက်အလက်များသည် သက်ဆိုင်ရာ ပညာရှင်များတွက်သော်လည်းကောင်း ၊ မိမိတို့ ကျေးရွာအတွက်သော်လည်းကောင်း အင်မတန် မှ အကျိုးရှိစေပါသည်။

နံပါတ်(၃) Survey အတွက် အကျိုးများပုံ ဘာလဲ ?

ယခု မိမိတို့ရွာ အဝင် တွင် ချိပ်ဆွဲထားသော ရပ်ကျေးဆိုင်ရာ အချက်အလက်များသည် မည်သည့်နှစ် တွင် ကောက်ခံထေားသော အချက်အလက် ဟု မသိရသော်လည်း မြေပြင် အခြေအနေဖြင့် ကွာဟမည်ဟု မျှော်လင့်ပါသည်။ Survey မှ ကောက်ခံရရှိသော Data အမှန်ဖြင့် ပြန်လည် ပြင်ဆင်နိုင်သော အချက်များမှာ

မိမိတို့ကျေးရွာ အိမ်ခြေ -

အိမ်ထောင်စု အရေအတွက်

အမျိုးသားဦးရေ

အမျိုးသမီးဦးရေ

တို့ကို အနီးစပ်ဆုံး ပြန်လည် ပြင်ဆင်နိုင်မည်ဟု မျှော်လင့်မိရင်း ဆောင်ရွက်လိုခြင်းဖြစ်ပါသည်။

ထို Survery မှ ရရှိသော အချက်အလက်များ မှာ

၁) တက္ကသိုလ် ဘွဲ့ရ အရေတွက် (အမျိုးသားဘယ်နှစ်ယောက် ၊ အမျိုးသမီး ဘယ်နှစ်ယောက် ၊ မည်သည့် မေဂျာ ၊ မည့်သည့် လုပ်ငန်းဖြင့် ရပ်တည်)

၂)ဆယ်တန်းအောင် အရေအတွက် (ပညာသင် နှစ် ၊ ဂုဏ်ထူးရ ၊ တက္ကသိုလ် ဆက်တက်ခြင်း မတက်ခြင်း)

၃)အလယ်တန်း အဆင့် အရေအတွက်

၄) စာတတ်မြောက်မှု ခန့် မှန်းနိုင်ခြင်း

၅) အိမ်ထောင်စု အရေအတွက်

၆)ကျေးရွာ အိမ်ခြေ အရေအတွက်

၇)အမျိုးသားဦးရေ

၈)အမျိုးသမီးဦးရေ

၉) စုစုပေါင်း လူဦးရေ အတွက် တို့ ရရှိမည် ဟု မျှော်လင့်ခန့်မှန်းမိပါသည်။

သို့ပါသောကြောင့် ထိုအချက်အလက် ကောက်ခံပေးကြသော ညီငယ် ညီမငယ်များကို အချက်အလက် အတတ်နိုင်ဆုံး တိတိကျကျ ဖြေပေးခြင်း ဖြင့် ပူးပေါင်းပါဝင်ပေးဖို့ မေတ္တာ ရပ်ခံအပ်ပါသည်။(လိုအပ်မှုများ ရှိနေဦးမှာလည်း သေချာပါတယ် ၊ အချက်အလက် အမှန်သည် အနည်းဆုံး နှစ်ကြိမ် သုံးကြိမ် ကြိုးစားမှသာ မှန်ကန်နိုင်ပါလိမ့်မည် မိမိတို့ အတတ်နိုင်ဆုံး ဆောင်ရွက်သွားပါသည်။)

ရရှိလာသော အချက်အလက်များကို သက်ဆိုင်ရာ ကောက်ခံသော နှစ်အလိုက် စာကြည်တိုက်တွင် ကိုးကားနိုင်ရန်တွက် ထားရှိပါသည်။

လေးစားစွာဖြင့်

ခင်ဦး-သာဝတ္ထိရွာ