ခင်ဦး-သာဝတ္ထိသတင်း ၂၀၂၀ ဧပြီလ ၂၀ ရက်။

သတင်းစဉ်(၁) Covid-19 ကာကွယ်ခြင်း နှင့် ကြိုတင်ပြင်ဆင်ခြင်း

သာဝတ္ထိကျေးရွာ ရွာအဝင် တောင်ဘက်ဂိတ် နှင့် မြောက်ဖက်ဂိတ် တွင် သာဝတ္ထိရွာ ဘောလုံးအသင်း ညီအစ်ကိုများ နှင့် Covid-19 VolunteerTeam(TharWutHti) မှ အချိန် တစ်ပိုင်း(သုံးနာရီတစ်ပိုင်း) တွင် လူငယ်လေးဦးတာဝန်ထမ်းဆောင်ကြပါသည် (မနက် ၆ နာရီ မှ ညနေ ၅ နာရီ) ။ သာဝတ္ထိရွာ ဖြင့် ပတ်သတ်သော သူများကို သာ လက်ဆေးရန် ၊ အပူချိန်တိုင်းရန် ၊ သတင်းအချက်အလက်ကောက်ခံရန် ဖြစ်ပါသည်။ ထိုတာဝန်အတွက် လူငယ်များများ မိမိအသိစိတ်ဓာတ် နှင့် မိမိ တာဝန်ယူကြခြင်း ဖြစ်ပါသည် ။ ထိုလူငယ်များအတွက် ပြည်တွင်း ပြည်ပ အလှူရှင်များမှ လိုအပ်သော Mask Hand Gel လက်အိတ် အသီးသီး ကူညီထောက်ပံ့ခြင်းဖြစ်ပါသည် ။ ဆက်လက်ပြီး လှူဒါန်းပါဝင်ကြသော အလှူရှင်များလည်း ရှိပါသည် ။
ယနေ့ အလှူရှင်
၁)အလှူရှင်အမည်- ကိုမင်းနိုင်ထွေး + မခိုင်ဇင်ဦး (သမီး) မကြည်နူးစံ မိသားစု အလှူငွေ - ၁၀၀၀၀ ကျပ် (တစ်သောင်း)
၂) အလှူရှင် အမည်- ခရီးသွား အလှူငွေ - ၃၀၀၀ ကျပ် (သုံးထောင်)

အလှူရှင် စုစုပေါင်း အမည် အောက်ပါ linkတွင် ကြည့်နိုင်ပါသည်၊

https://www.facebook.com/sat.kalay/posts/2898523890183145

သတင်းစဉ်(၂) နိုင်ငံတော် မှ ထောက်ပံ့သော ပစ္စည်း ငါးမျိုးအတွက် စာရင်းသွင်းခြင်း ပစ္စည်းများ ထည့်ခြင်း

သာဝတ္ထိရွာ ဘောလုံးအသင်း ညီအစ်ကိုများ ၊ သာဝတ္ထိ မီးသတ် တပ်ဖွဲ့ မှ အဖွဲ့ခေါင်းဆောင် နှင့် ဝန်ထမ်းများ သည် နိုင်ငံတော် မှ ထောက်ပံ့သော ပစ္စည်း ငါးမျိုးအတွက် စာရင်းသွင်းခြင်း ပစ္စည်းများ ထည့်ခြင်း နှင့် လှူဒါန်းခြင်းများတွင် ပူးပေါင်းပါဝင် ကူညီပေးသည် ဟု သိရပါသည် ။

သတင်းစဉ်(၃) သာဝတ္ထိ မနက်ခင်း Social Distance အတွက် လိုင်းမျဉ်းအသစ်များ ရေးဆွဲခြင်း

သာဝတ္ထိရွာ ဘောလုံးအသင်း ညီအစ်ကိုများ နှင့် Covid-19 VolunteerTeam(TharWutHti) တို့ မှ ဦးဆောင်ပြီး သာဝတ္ထိ မနက်ခင်း Social Distance အတွက် လိုင်းမျဉ်းအသစ်များ ရေးဆွဲခြင်း ထပ်မံ ပြုလုပ်ခဲ့ပါသည်

သတင်းစဉ်(၄) သာဝတ္ထိ မနက်ခင်း ဈေးရောင်းသူ ဝယ်သူအားလုံး mask campaign စတင်ခြင်း ။

(၂၁-၄-၂၀၂၀) သာဝတ္ထိ မနက်ခင်း ဈေးရောင်းသူ များ ဈေးဝယ်သူများအတွက် mask campaign စတင်ပါမည် အကြောင်း လေးစားစွာ အသိပေးအပ်ပါသည်။

စုပေါင်းဆောင်ရွက်ခြင်း စည်းလုံး ညီညွတ်ခြင်း စည်းကမ်းလိုက်နာခြင်း မုဒိတာပွားနိုင်ခြင်း ဖြင့် ခေတ်ကို ထမ်းပိုးထားသော လူငယ်တွေ ခွန်အားဖြင့် သာဝတ္ထိရွာကြီး တိုးတက်
သာယာပါစေကြောင်း အနာရောဂါကင်းဝေးပါစေကြောင်း ဆုတောင်းမေတ္တာ ပို့သအပ်ပါသည်၊

(ကျွန်တော်တင်ပြသောအချက်အလက်များတွင် တစ်စုံတစ်ခု မှားယွင်းပါက ချက်ချက် ထောက်ပြပေးရန် မေတ္တာရပ်ခံအပ်ပါသည်)

ကျေးဇူးတင်ပါတယ်။
Covid-19 VolunteerTeam(TharWutHti)
သတင်း နှင့် ပြန်ကြားရေး
သာဝတ္ထိကျေးရွာ